di: Popolare

Me regòrdi che on dì in la mia scoeula,
hoo veduu sgorattà ona tegneoura
tutt stremii me son miss a vosà:
- Te la chì!... Te la lì... Te la là...

La maestra, stremida anca lee,
l'ha dismiss de spiegà l'abbecce,
anca lee la da foeura a strillà:
- Te la chì!... Te la lì... Te la là...

I fioeu sbalordii, spaventaa,
rèsten lì mèzz minutt senza fiaa...
e poeu, tracch, tucc insèma a sbraggià:
- Te la chì!... Te la lì... Te la là...

Con la scoa el va a caccia el bidèll,
nun scolar trèmm per ari el capèll,
dandigh dent a sguagnì, sbragalà:
- Te la chì!... Te la lì... Te la là...

A man dritta se sent: - Te la chì!...
A sinistra rispond: - Te la lì!...
D'ògni part l'è on tremendo tronà:
- Te la chì!... Te la lì... Te la là... 

La tegnoeura giamò mèzza mòrta,
la gh'ha coeur de scappà de la pòrta.
Num piangèmm, podend pù vosà:
- Te la chì!... Te la lì... Te la là...
- Te la chì!... Te la lì... Te la là...