di: Alberto Bega
 

Gh’era ona vòlta on tòr, ma de gran fama
che l’era lì de cà a la Basciana
gran copridor de vacch d’ògni color
lù ne copriva vint in quarantòtt or.
La fèsta del ripòs come on guerrier
l’era el rè de Bagg fin a San Sir.

Vosaven tucc: viva el gran tòr
lù l’era semper el rè in di fer
l’anèll in del  nas, el tricolor
el passava come ‘l fudèss on scior:
el se vantava de vèss on tòr inscì
e tutt’i vacch doveven digh de sì.

Ma on dì on torèll che l’era on poo invidios
l’ha vorsuu fagh on schèrz al sò padron,
mì l’ho pensada e adèss te vedaree
che al tòr vègg gh’el mèttom in del dedree,
inscì diventaroo el rè di tòr
poeu sarò anca mì on gran montoeur.

musica

Vestii come ‘l fudèss ona manzètta
el re di tòr l’è andaa per fà marchètta
e quand l’è staa in presenza del scior lù
el s’è giraa e poeu el gh’ha voltaa el cuu:
mancava però ona ròba de gran valor
e l’era ch’el tal bus col sò odor.

musica

Pòrca malora se l’è che gh’è succèss?
El rè di tòr l’è già diventaa vègg
el sò baston l’è dur compagn d’on strasc
el rèsta mòll vardè l’è semper bass,
inscì el padron furios e stupidèll
l’ha ciappaa el tòr e l’ha portaa al macèll.

Vosaven tucc: viva el gran tòr
lù l’era semper el rè in di fer
l’anèll in del  nas, el tricolor
el passava come ‘l fudess on scior:
el se vantava de vèss on tòr inscì
e tutt’i vacch doveven digh de sì.

El torèll giovin de manz hann travestii
content che la fudèss finida inscì
l’ha cominciaa la vita del gran rè
e in d’on’ora lù ne faseva tree.
Finiss inscì la stòria del tòr de fama
che l’era lì de cà a la Basciana.