di: Castellari - Taddei - Panariti

Hoo legiuu pubblicada sul giornal
ona notizia strana e stravagant,
la dis ch’el ticket fann pagà
a chi ven in macchina a Milan.
Per chi la mattina riven de lontan
e fann i pendolar per lavorà
e anca quèi de la periferia
gh’hann de pagà per vegnì chì in città.

L’ecòpass, l’ecòpass, l’ecòpass l’è minga l’ecò de montagna
ullallà l’è ona cuccagna l’aria pura la guadagna:
per quèst voo in tandem mì con lee,
mì davanti e lee dedree
senza smòg e senza gas e paghi nanca l’ecòpass.

Disen ch'el gasòli e la benzina
inquinen tutta quanta la città
per quèst l’ecòpass fann pagà
e l’aria pura pòdom respirà.
Hoo venduu la lambrètta e la ses'cent,
hoo venduu anca la bici e son content.
Adèss voo a pee e cammini semper pian
e vedi i bellèzz del mè Milan.

L’ecòpass, l’ecòpass, l’ecòpass l’è minga l’ecò de montagna
ullallà l’è ona cuccagna l’aria pura la guadagna:
per quèst voo in tandem mì con lee,
mì davanti e lee dedree
senza smòg e senza gas e paghi nanca l’ecòpass.

Milanes, resident e forestee
per minga inquinà el nòst Milan
fann tucc adèss ‘me mì e van a pee:
ciappen el metrò òppur el tramm.

L’ecòpass, l’ecòpass, l’ecòpass

musica

L’ecòpass, l’ecòpass, l’ecòpass

musica

L’ecòpass, l’ecòpass, l’ecòpass l’è minga l’ecò de montagna
ullallà l’è ona cuccagna l’aria pura la guadagna
l’ecòpass, l’ecòpass, l’ecòpass con l’ecopass
l’ecòpass, l’ecòpass, l’ecòpass con l’ecopass
l’ecòpass, l’ecòpass, l’ecòpass con l’ecopass.