di: Luigi Carcano; Vittorio Pinotti

E nun e nun,
e nun sèmm semper nun!
E nun vanzom nient de nissun.
Hinn i alter che vanzen de nun!

Nun sèmm i bolgiraa de la ligera,
el lavoraa per nun l'è ona stufida.
A San Vittor al frèsch, saraa in galera.
puttòst de sfadigà fèmm 'na dormida.

E cont el cunt avèrt con la giustizia
sèmm semper lì dedent de l'osteria
a somenà bon temp e in amicizia
a bev del vin sincer e fà ‘legria.

Oeilla, tramonta el sô!
Ecco gh'è in gir la ranca.
Dai trani e per la strada
chi scappa nò je branca.

Sui tècc, giò in di cantinn
coi omber de la sera
da ona portina avèrta
la slisa la ligera.

E cont el coeur legger
sconduu senza paura,
ghe fèmm cipilimerli
ai òmm de la questura.

E nun e nun,
e nun sèmm semper nun!
E nun vanzom nient de nissun.
Hinn i alter che vanzen de nun!

On liggeron 'me nun faccia zaffagna,
puttòst de laorà e cambià vita,
l’ha preferii de 'ndà sù 'na montagna
per stà tranquill compagn d'on eremita.

Ma in cima di montagn a fà el linosa,
col sô de rabatton che in tèrra el picca,
el pensa col magon a la morosa,
al frèsch de San Vittor e a Pòrta Cicca.

Oeilla, tramonta el sô!
Ecco gh'è in gir la ranca.
Dai trani e per la strada
chi scappa nò je branca.

Sui tècc, giò in di cantinn
coi omber de la sera
da ona portina avèrta
la slisa la ligera.

Oeilla, l’è la canzon
de nun de la ligera
per minga sfadigà
al frèsch stèmm chì in galera.