di: Alberto Bega
 

Quèsta che adèss ve canti, car i mè gent
l’è ona stòria vera di nòster temp
me disarii che ghe fotografà in mè
on dispiasè tròpp gròss per i sò gent.
E allora gh’èmm dovuu nascond la verità
desmentegà tutt quèll che l’è capitaa
cosa l’è mòrt a fà sta pòra tosa
el nòmm v’el recordii l’è Annalisa.
Annalisa, Annalisa
te restaree per sempr’ in del nòster coeur.

El mond l’era cattiv compagn de adèss
el pòst a l’era pòcch per quèi onèst
l’ha cominciaa a lottà contra i bruttur
che l’era dròga fada cont i pontur.
Ma la gh’aveva i spall tròpp piscinin
per tegnì sù sto pes dì dòpo dì
quand l’ha capii che ‘l mond l’era tròpp cattiv
per lor tutt e l’ha vorsuu morì.
Annalisa, Annalisa
te restaree per sempr’ in del nòster coeur.
E coi contraddizion in sù sta tèrra
chi voeur la pas finiss per morì in guèrra.