di: Alberto Bega
 

Quand se dis e se canta i rion de Milan
se desmenteghen tucc che gh’è in mèzz anca Bagg
a l’è minga on quartier
recordeves l’è important
che Rion l’è el sò nòmm ne la nòstra città;
manca nò on monastee cont on bèll campanil
tutt in gir circondaa dai fossètt e cassin
tanti cav per la gera che adèss hinn laghètt
sant Anselmo che tucc ghe protegg.

Bagg l’è on rion, on rion de la bèlla Milan
che ai forestee da tanti ann el ghe slonga la man
l’òrghen in gesa, piscinin, ma el ghe semper staa
l’è minga vera che ‘l ghe sia domà pitturaa!!!
Bagg on rion che ‘l se troeuva in periferia
gh’hinn i giardinètt coi banchètt per settass a l’ombria
l’è fòrsi brutt se te ghee de andà foeura a la sira,
ma quand gh’è ‘l sô, l’è ona ròsa dipinta sù tela!

Fontanin contornaa da boschètt de pobbiètt
con campagn tanto verd, poeu gh’è tanti villètt
el profumm quèll del fen e la spuzza del Per
mes’ciaa sù con l’odor de stallon, de stabièll.
Poeu la stòria che on dì hann tiraa sù on asnin
sora el tècc per mangià l’erba sul campanil
la fa part del folclor de sto gran bèll Rion
già Metropoli ormai de sto mond.

musica

l’è fòrsi brutt se te ghee de andà foeura a la sira,
ma quand gh’è ‘l sô, l’è ona ròsa dipinta sù tela.
Bagg l’è on rion, Bagg l’è on rion,
Bagg recordeves l’è on rion.