di: Passo Duomo
 

Luisa...LUISA!
Ma và che situazion
gh'è 'l citòfono ch'el sòna...LUISAAA!!
la sent gnanca on cannon.
So nò ‘me fà, come l'è staa
l’è storna ma de bon
ghe vœur on aiutino,
l'ha dii anca l'otorino
che gh'è la soluzion

Amplifon: miracol d'on apparècc
Amplifon: el par ona supposta, ma se cascia dent i orègg
ti farà più bella, te disi anca el perchè
t’è vegnuu la faccia stòrta a furia de fà: EH?

Fàss ona reson che te see puu ona tosa,
el pò nò andà avanti inscì
voo dree a ripètt i ròbb e chi me scolta el pensa
che son mì quèll rembambii.
I visin de cà che vosen
de sbassà la television
par de vègh la Clerici in del condominio
che la tacca lit col polpetton.

Amplifon: miracol d'on apparècc
Amplifon: ona supposta che se cascia dent i orègg
ecco il preventivo, el dervi tant el soo
sarà fatto per l'udito, si, ma me costa on œugg del coo

Rinunci a andà a San Sir
vo gnanca puu a pescà
la gent la dis che sont ‘na stèlla de marii,
ma gh’hoo la mia bèlla utilità

Amplifon: el se magna la mia pension
Amplifon: ne var la pèna domà la soddisfazion
l'era da ona vita che la provavi puu
vèss sicur che te me scoltet quand … te mandi a dà via el cuu!

Amplifon....