di: Luigi Carcano - Carlo Merli
 

La soa miee de lù l'è generosa,
l'è bèlla quand la rid e quand la piang.
E in quanto a fà l'amor l'è caprizziosa,
tant che dal mond nagòtt ghe fà rimpiang.
E innamoraa de lee, se 'l gh'ha de fà?
El rid el piang e poeu se mètt cantà!

Oh Giovana.
A la fèsta de mattina, che mania,
'me 'na rana,
tì te saltet sui piastrèll in Galleria.
Soddisfada,
tra 'l mosaich de fior e de fioroni,
d'infilada,
del torèll te ghe schiscett i marroni.

Innamoraa l'è el tòr de la Giovana
e lee col sò sadismo balossètt
ghe fà sbircià de sòtta a la sottana
tutt quèll che a lee mai pù ghe fa difètt.
E lù stracòtt de lee, pòver pan pòss,
indifferent... ghe lassa fà tuscòss.