Stampa

di: Walter Valdi - Jaquelin Perrotin
 

 

Lavoravo a Baggio
a una catena di montaggio
ghe mettevi ona ranèlla semper voeuna, semper quèlla
su ona macchina che la passava tutta fada in tòcch,
pòrca matta l’è staa inscì
che mì m’è restaa on ticch,
ma varda che mestee, ma varda che mestee
a gh’hoo chì la man dèstra che la viaggia in de per lee,
ma varda che mestee, ma varda che mestee.

El passava el naster
e mì li come on pollaster
ògni vòlta che ‘l passava la mia crappa la girava
ed a furia de girala son staa bon pù de fermamm
pòrca matta, a pòcch a pòcch 
me restaa anmò on alter ticch,
ma varda che mestee, ma varda che mestee
la crappa la me gira, l’è on continuo avanti-indree,
ma varda che mestee, ma varda che mestee.

Saria nient de mal avègh on ticch orizzontal,
ma quand vun el dis «la rògna»
el mè naster, ‘sto carògna,
el gh’aveva pròppi nel mè sit quaicòss come on basèll:
pòrca matta l’è ‘l mè ticch
gh’è denter anca quèll,
ma varda che mestee, ma varda che mestee
la crappa la fa on salt intant che la torna indree,
ma varda che mestee, ma varda che mestee.

M’è vegnuu on infarto quand che m’hann cambiaa reparto
e m’hann daa de fà di bus denter in d’on barlafus
l’era su anca lù sul naster, ma el disaster l’era che
pòrca matta che mestee el passava a marcia indree,
ma varda che mestee, ma varda che mestee
intant che sbusi a destra el va a sinistra ‘sto tripee,
ma varda che mestee, ma varda che mestee.

Per podè stà a galla m’è toccaa de moeuv la spalla,
ma l’è minga staa anmò assee
mì ghe stavi minga adree a sto brutt d’on orinari
ch’ el passava a l’incontrari
pòrca matta ecco perchè m’è toccaa me fa anca i pee,
ma varda che mestee, ma varda che mestee
capissi pù nagòtta mì son tutt on gibilee
ma varda che mestee, ma varda che mestee.

Lavoravo a Baggio, m’hanno licenziato a maggio
m’ha ciamaa sù el direttor el m’ha dii
“Car el mè scior, me dispias ma chi me disen
che oramai lù el rend tròpp pòcch
pòrca matta, ma el ved nò che lù l’è pien de ticch,
ma varda che mestee, ma varda che mestee
adèss che son bon pù me cascen via a pesciad dedree
ma varda che mestee, ma varda che mestee,
ma varda che mestee, ma varda che mestee,
ma varda che mestee, ma varda che mestee…