di: E. Iannacci
El mè indirizz de dove son nassuu
mì me’l ricòrdi nanca pù:
a l'era ona cà vèggia e per pizzà,
tripli servizzi, sì, ma in mèzz al praa!
El mè indirizz de dove son nassuu
me l'hann ricordaa ier, dentr'in Comun:
cercavi on document de residenza
e a mì, m'è vegnuu in ment tutta l'infanzia...
A serom ona banda de ses fioeu;
vorevom trà per ari tutt el mond,
fasevom la collètta a la mattina
per quatter Alfa e duu Esportazion.
Tornavi a cà la sera e la mia mama
la me nettava el nas tutt sporch de sangh
perchè la legge a l'era de dai via,
ma l'era anca quèlla de ciappai!
Pensarci bene, chissà, chissà che fin hann faa
chi mè compagn balord de s’ceppà el mond!
Ma poeu, la vita la fa quèll che la voeur:
chi va, chi rèsta e gh’è chi invece ‘l moeur...
Ma hinn giamò passaa duu ò trii minutt
e mì, me rendi cunt che hoo ròtt i ball:
ci ho qui on bèll document de residenza...
cià via menare! ...e scaricare anca l'infanzia!