Stampa

di: Luca Bartolommei
 

 

Gh’è gent che la se sposa l’avocatt, ò la cantante, l’ingegnera, el benzinatt
La fondeghera, el polliroeu, voeuna che l’ha faa quell mestee lì,
adèss ve disi con chi me son sposaa mì.

La mia miee la fa la giornalista, la gh’ha on bèll blògh de dònn e realtà.
Tre vòlt al mes la scriv su ona rivista, cinquanta vòlt al dì l’è dree a telefonà.
E poeu la gh’ha la conferenza stampa e la presentazion de l’ebook.
Il festival del cine de l’Irlanda, soo nò come la fa, mì saria bell’ e ciocch.

La mia miee l’è pròppi giornalista, di quelle che oramai non ce n’è più
Titicch-titòcch gh’ha il tocco dell’artista, quand scriv con la Olivetti 22.

Fa L’Associazion, el liber de ona amisa, tra on’ora va al museo del cinemà.
La me saluda, «Amore, torno tardi», la torna a mezzanòtt e poeu la voeur mangià.

La mia miee la fa la giornalista, la va e la torna a cà dòpo duu dì.
«Son stanca, sì, però ho l’intervista…» mì la conossi ben, l’avarà nanca dormii.

E poeu se mètt giò a scriv a testa bassa, on’ora e mèzza, e mì soo nò se dì
Me dis «Ho appena scritto una poesia, roba d’amore, l’ho scritta adess per tì».