di: Brassens - Svampa
 

El Signor le sa: son nò cattiv
disi “creppa” nanca ai mè nemis;
ma se moriss pù nissun
podaria scavà el mè bus:
sont on pòver becca-mòrt.

Creden tucc che mì g'hoo nò rimòrs
a mangià in sui òss di pover mòrt:
ma mì son nò 'me creden lor,
sotterrai me piang el coeur,
sont on pòver becca-mòrt.

G'hoo on bèll pari a dì, denter de mì,
che dura nient e tucc passom de chì;
ma pòdi nò ciappalla ben,
ciappà la mòrt come la vegn:
sont on pòver becca-mòrt.

E pussee stoo chì a smangiamm el coeur
e pussee i mè amis me toeuven in gir
quand che disen se stoo mal,
che gh'hoo ona faccia de funeral:
sont on pòver becca-mòrt.

T'hoo mai vist, però, car el mè scior;
se te ghe la fee a vedè 'l Signor
dighel tì se 'l m'è costaa,
sto pòver còrp hoo sotterraa:
sont on pòver becca-mòrt!