di: Popolare
 

Numm sèmm partii a fà el gir del mond
per vedè se l’era rotond
per vedè come se fa l’amor da Cinisèll a l’Equator.

In Inghilterra, questa l’è bèlla,
là fann l’amor cont in man l’ombrèlla
cont on salton ‘ndemm in Egitt
la fann l’amor cont in man el flitt.

A gh’hinn i dònn del Cameron
che fann l’amor sgagnand on torron
inveci quèi de la Manciuria
quand fann l’amor sgagnen l’anguria.

A gh’è la dòna de San Marin
che quand fa l’amor la sòna el clarin
inveci quèi de la Bulgaria
sònen semper la batteria.

Se te veet in lètt cont ona turca
la te fa ballà la mazurca
mentre in Australia l’è on bèll rebellòtt
se fa l’amor e se balla el fox-trot.

Tì te see nò che la dòna scozzesa
quand fa l’amor la fa i cunt de la spesa
nel far l’amore invece la grècca
la voeur giugà con tì a mosca cieca.

A gh’è la dòna de la Malacca
che in cinch minutt a l’è giamò stracca,
al contrari la messicana
la ten dur ona settimana.

A gh’hinn i dònn del Portogall
che fann l’amor leggend el giornal
inveci quèi de la Romania
consulten l’enciclopedia.

Ma tì te see nò che la dòna d’Andòra
quand fa l’amor la giuga a la mòra
i dònn de la Svezia hinn sofisticaa
quand fann l’amor giughen al Baccarà.

Hinn pròppi sportiv i dònn norveges
che quand fann l’amor solleven i pes,
hinn minga de men i dònn del Giappon
che quand fann l’amor giughen al ballon.

Numm sèmm partii a fà el gir del mond
per vedè se l’era rotond
per vedè come se fa l’amor da Cinisèll a l’Equator.