di: L.Carcano - C.Merli
 

Per contentà l'ingorda
e vèggia usanza,
chi paga la gabèlla
l'è 'l pòver pantèlla.
E quell settaa in cadrega,
golos de grana,
el mangia el bev el dòrma
a la pù bèlla!
Ti pòver pantèlla spètta e spera e spera
che la menada on dì la cambia strada.

E intant coi cai sui man ti rèma rèma
sul Pò contra corrent, anmò la barca
se in sòrt gh'è nient che cambia
ti sòna la campana
per fà che la giustizia
la se desseda.

I capp de la consulta
de lengua sciòlta,
per dagh d'intend a tutti
ch'el gir el cambia
inventen l'acqua calda.
Ti pòver pantèlla
cont el coo bass barbòtta...
e poeu trottèlla!

El va on penser sui al d'ona ventada,
per mett in bèlla mostra el ben de Dio
che i sbaffador cortes in pompa magna,
ghe pias de riff in raff a fà man bassa.
Per lor la carna grassa,
i òss al pòver pantèlla.
Oeui scior Brambilla giuga...
la briscolètta!

Per lor la carna grassa,
i òss al pòver pantèlla.
Oeui scior Brambilla giuga...
la briscolètta!