Stampa

di: G.D'Anzi - A.Bracchi
 

 

Girando per la strada te leget fondeghee
Guardini e Faccincani salumi prestine
e dove in tempi antichi a gh’era on perucchee
adèss leggi Aldo tintura con l’henné.
Ghe va la contessina, la tosa del tollee,
la dama e la sartina dal divo perucchee.

Alfredo famm el neo sul barbòss,
Giovanni a gh’hoo trii peli chì sul gòss,
Arturo più mi lisci e più mi piaci,
Osvaldo stai attento al tirabaci.
Stan sòtta a on macchinari per trè or
e ris’cen polmoniti e raffreddor
per fass la messa in piega son capaci
de sopportà la pèna del Signor.

Chi voeur la permanente chi voeur la riga in mèzz
chi un ricciolo fuggente che guizza come on pèss.

E appèna che hann finii de pettenass
de fass la manicur, de depilass
a giren per la cà cont i sciavatt
ò corren in cusina a lavà i piatt.

‘Sti celebri maester ti vedet lavorà
che paren professori de l’Università.
El pèttin in l’orèggia a guisa d’on pennèll
se creden immortali se creden Raffaèll.
Ma i dònn in entusiasta e spenden fior de ghèi
per mèttes la tintura che fa crodà i cavèi.

Alfredo famm la tinta verde-ramm,
Giovanni stai attento nel bisciamm,
Arturo mettom sù la vasellina,
Osvaldo mi consigli una retina.
Chi voeur sembrà madama Pompadour,
chi voeur on rizzolin col mazz de fior,
lo spruzzo de lavanda parigina
come la pennellada d’on pittor.

Oh vorrei la cipria rosa la crema liberty
e poi qualche altra cosa de mettom nòtt e dì.

‘Sta moda l’è ona frivola invenzion
che costa mi soo nò quanti milion
Perchè perdí del temp a fass biscià
se l’è inscì bèll a fass despettenà?