di: Walter Di Gemma
 

El milanes, se sa, l’è minga facil
bisògna ‘vegh la vèrv e la dizion
mèj vèss nassuu a Milan, l’è consigliabil,
per scriv in bon vernacol ona canzon
però l’è minga assee vèss milanes
per vèss esent completament de spes
perchè certi dottor del meneghin
vann a cercà paròll col lanternin, oh yeah….

Se tì con la toa “girl” t’hee faa l’amor
digh minga “amor t'ho amaa”, che l’è on error
e per vèss meneghin veggia manera
la nèbbia la se dev ciamà scighera
hinn guai se te ve foeura de binari
deciden lor la toa destinazion
col permèss di sò vocabolari
contesten i tò scritt e i tò canzon, oh yeah…

El milanes, el milanes de l’università
El milanes, el milanes de l’università.

Mì che pensavi che ‘sto meneghin
el fuss ormai de rivitalizzà
hoo pròppi capii nient, pòr pattanin,
per la question de l’università, o yeah.