di: Claudio Merli
 

‘me l’è vera su l’autostrada
centvint a l’ora
meno mal però son partii de nòtt
traffich ghe n’è nò
intant l’è già mattina.

El ciar, el mar, la sabbia e poeu
ciappà la tintarella
e lì de sòtt d’on ombrellon
smiccià i tosann che passa.

El mar l’è grand, el mar l’è bèll.

Ma che sera
sòtta la luna de la Riviera
restom incantaa chì,
denanz del mar,
per gustà polid
el boff de l’aria fresca.

La lus di stell, la spiaggia
e nun che femm la passeggiada.
Sentì in del vent sonà on clarin
el lisc de la Romagna.

El mar l’è grand, el mar l’è bèll.

Però l’estaa la passi anmò a Milan
perchè, tant per cambià, sont in bollètta.