di: Gino Bramieri
 

El sò moros l’è el Guggia,
el Guggia de Piazza Castèll
sann tucc che l’è ona maggia,
sann tucc che l’è on torèll,
l’è tutta ona lentiggia
e l’è pussee ross d’on quadrèll
disen che l’è on nariggia
e inveci l’è inscì bèll.

El gh’ha duu pee che paren dò barchètt
e i sopracili, òh gent, ma che spazzètt
e i barbisin col coin compagn di ratt
e quand el rid el par mèzz matt.

El sò moros l’è el Guggia,
el guggia de Piazza Castèll
sarà che l’è selvaggia,
ma a lee ghe pias domà quèll.

Tutt i ritròvi de periferia
in sui Navili ò in riva ai laghètt
col sò moros a la festa che gioia
i giren tucc, pian pian, quiètt quiètt.

Perchè l’è bell scordass de la città
in d’on boschètt tutt e duu bei strètt a limonà.

musica

El gh’ha duu pee che paren dò barchètt
e i sopracili, òh gent, ma che spazzètt
e i barbisin col coin compagn di ratt
e quand el rid el par mèzz matt.

El sò moros l’è el Guggia,
el guggia de Piazza Castèll
sarà che l’è selvaggia,
l’è lù, l’è lù el so torèll
sarà che l’è selvaggia,
ma a lee ghe pias domà quèll.