di: Carcano - Pinotti
 

Tecoppa semm d'accòrd, Felice nò,
se in malasòrt i rògn m'hann faa el paltò
De venerdì dersett, ann bisestil,
Milan m'ha vist a nass on dì d'april.
Scighera de navili e la brodaja,
ma son vegnuu grand an'mì con la ciurmaja.

Oh Sant Ambroeus, de mì e de Milan
gran protettor.
mì te pregavi inscì: Tègnom lontan
de San Vittor.

E famm borlà in sul coo, che gh'hoo bisògn
per el mestee,
on soffiadin special, ma senza rògn
per fà i danee.

Ahj! Ma cribbio, ma varda che legnada che te m'hee daa!
Spettavi la soffiada! Ambroeus Ambroeus!
Pòer Felis... ma te see pròppi scavigiaa, neh!

Considerand tuscòss a l'è lampant,
per scansà el pesg,
me mettaroo in di man d'on alter sant
che me proteg!