Stampa

di: Nino Rossi

 

 

Pass passòtt cammini per i vicol de Milan,

ma in saccòccia corri col penser ai temp lontan

quand on omettin, giacchètta bianca e cappèll ross

la cestèlla sòtta ‘l brasc.

El vendeva gamberi salaa per la città

quand Milan l’era città

per quei di Navili, gent del sò rion

l’era ormai on’istituzion.

T’ el sentivet a vosà i sò “slogan” de pubblicità:

“Gh’è quèll di gamberi, gamberi, gamberi!!!”.

Gamberi, gamberaio….

 

Ma Milan moderna l’ha voruu pù in d’ el sò règn,

i ambulant i ha minga contemplaa in del sò disegn

come “Busecchina”, “Scòtti Caldi” e “Perin còtt”,

gh’è sparii anca el Gamberatt.

Se per progredì tutt el color t’hee cancellaa

fa nagòtt t’emm perdonaa

sarom sù in del coeur i sògn di temp lontan

per vedètt in alt, Milan.

Ma per ona vòlta anmò me piasaria sentì a vosà:

“Gh’è quèll di gamberi, gamberi, gamberi!!!”.

Gamberi, gamberaio….