di: Michele Longo

La fadiga a Milan dòpo la guèrra
la sentivi tra cortil, soree e porton
‘ndaven de corsa i tosanètt al “Montemerlo”
per ballà el Boogie-Woogie in sui Bastion
el Boogie-Woogie, Boogie-Woogie, Boogie in sui Bastion.

Dirigeva anmò la Scala el Toscanini
a la Central se giugava al Baseball
la Wanda grande Star cont i lustrin
dallo Shangai allo Smeraldo in baby doll,
dallo Shangai, dallo Shangai allo Smeraldo in baby doll.

Poeu l’è rivaa el ’57 in d’on moment
i giovinòtt cont i Blue jeans pareven fòll
Bruno e Marisa ballen ròck divinament
l’ha inventaa el primm Festival del Rock’n’roll.

Bruno Marisa Adriano Ghigo e compagnia
hann battezzaa el nòst Milan col Ròck’n’ròll
dal Palaghiaccio al Cors Sempion te pòrten via
quella tristezza che te gh’heet in fond al coeur
Bruno e Marisa, Adriano Ghigo… Milan Ròck’n’ròll.

‘sti ballerin hinn diventaa trè vòlt campion
l’Adriano el Walter Gurtler l’ha incontraa
lù canta el Rock e poeu va in television
el “molleggiato” l’è nassuu, ma per cantà,
el “molleggiato, el “molleggiato” l’è nassuu, ma per cantà.

Hinn giamò in ses a ballà per i campion
Bruno e Marisa i hann ciamaa el “Rock Ballet”
Micio e Miky a organizzà di seraton
col Gianni-snodo e la Piera in “tournee”.

Bruno Marisa Adriano Ghigo e compagnia
hann battezzaa el nòst Milan col Ròck’n’ròll
dal Palaghiaccio al Cors Sempion te pòrten via
quella tristèzza che te gh’heet in fond al coeur
Bruno e Marisa, Adriano Ghigo… Milan Ròck’n’ròll.

musica

Bruno Marisa Adriano Ghigo e compagnia
hann battezzaa el nòst Milan col Ròck’n’ròll
dal Palaghiaccio al Cors Sempion te pòrten via
quella tristèzza che te gh’heet in fond al coeur
Bruno e Marisa, Adriano Ghigo… Milan Ròck’n’ròll,
Bruno e Marisa, Adriano Ghigo… Milan Ròck’n’ròll,
Bruno e Marisa, Adriano Ghigo… Milan Ròck’n’ròll.