Stampa

di: Mimmo Dimiccoli

 

 

Da quand la mia città la s’è sgrandida
tra i tanti forestee che gh’è rivaa
gh’è on quaivun che l’ha nò capida
che a fà el villan gh’è nient de guadagnà
perchè vess permalos?
perchè vess diffident?
se tucc fann come mì nissun se offend.

Mì son nassuu a Milan e son semper content
anca con chi l’è minga milanes
me pias la compagnia
se gh’è on poo d’allegria
me divertissi inscì senza pretes.
Se poeu gh’è ona ghitara e pòdi cantà
e allora s’ciòppi de felicità
basta ona canzonetta e on bon biccer de vin
per fà content el coeur de on meneghin.

Sarà perchè numm semm gent a la bòna
e lassom perd tanti stupidad
a gh’emm la Madonina che perdòna
a chi ciappa gust a fagh i carognad
e se gh’è on gibilee cercom de ragionà
e andemm a bev per minga litigà.

Mì son nassuu a Milan e son semper content
anca con chi l’è minga milanes
me pias la compagnia
se gh’è on poo d’allegria
me divertissi inscì senza pretes.
Se poeu gh’è ona ghitara e pòdi cantà
e allora s’ciòppi de felicità
basta ona canzonetta e on bon biccer de vin
per fà content el coeur de on meneghin.

musica

Se poeu gh’è ona ghitara e pòdi cantà
e allora s’ciòppi de felicità
basta ona canzonetta e on bon biccer de vin
per fà content el coeur de on meneghin
per fà content el coeur de on meneghin
per fà content el coeur de on meneghin.