Stampa

di: Aurelio Barzaghi

 

 

Òh Madonina
dimm s’ te feet in scima al Dòmm;
òh Madonina
dì e nòtt in scima al Dòmm
ven giò a fà duu pass con mì in Galleria
se nò tra pòcch me sa che te conossen pù.

Òh Madonina
damm a traa, mètt sù i scarpètt,
dai, Madonina,
che camminom de brascett
se mis’ciom fra i cines, i negher e i mulatt
fra zingher, giappones, indian e facc de matt.

Òh Madonina
chich’inscì andemm pù intes,
òh Madonina
ghe n’è pù de milanes
ven giò che femm dò ciaccer
prima de ‘ndà in eètt
se sfògom a parlà
on ciccin el nòst dialett
se sfògom a cantà
i canzon de l’osteria
e passom ona bella sera in compagnia.

Òh Madonina
‘demm che bevom duu biccer
e parlom de Milan me l’era fada ier,
e parlom de Milan me l’era fada ier
poeu se saludom e se va vers i nòst cà,
poeu se saludom e se va vers i nòst cà.