di: Aurelio Barzaghi

Se disen che i Milanes
hinn bon appèna de bauscià
degh minga a trà, degh minga a trà
denter de chì, foeura de là.

Se disen che i Milanes
gh’hann semper voeuja de lavorà
fòrsi sarà, fòrsi
che gh’emm bisògn de tramescà.

Ma ‘me se fa a spiegà
che gh’emm on coeur gròss ‘me ona cà
se gh’hann, se gh’hann de dì
ògni tant se incazzom, ma l’è tutta lì.

Lassei, lassei parlà
l’è tutta invidia, degh minga a trà
hinn tucc di pelabròcch
l’è mej che parlen quand pissen i òcch.

Se disen che i Milanes
quand che camminen stann sollevaa
degh minga a trà, degh minga a trà
denter de chì, foeura de là.

Se disen che i Milanes
gh’hann nanca temp per dò carèzz
chì me rincress, chì me rincress
l’è minga vera, pò minga vess.

Mett sù el vestii de spos
che ‘ndemm in gir stess di moros
strengemmess tucc arent
semm restaa in pòcch mia bella gent.

Lassei, lassei parlà
l’è tutta invidia, degh minga a trà
e se gh’hann on quajcòss de dì
prima se basom e poeu andé a dormì.