Stampa

di: Aurelio Barzaghi

 

Gh’è on can bastard col mus in tèrra,
gh’è on can bastard che ‘l tira sera,
gh’è on can bastard che ‘l moeuv la coa
a quèi che passa via,
gh’è on can bastard senza cadèna
nassuu ona nòtt de luna pièna
cont on mantèll pien de color
l’è on can bastard de cent amor.

E lee la va sù e giò di marciapè
e intant la canta ‘me ‘na matta in de per lee;
e lee la va sù e giò di marciapè
a vend l’amor per ona branca de danè;
vendi l’amor però el mè coeur el vendi nò
vendi l’amor magari in pee ò buttada giò
vendi l’amor ma nel mè coeur gh’è appèna lù
fà svèlt, ne pòdi pù;
gh’è on can bastard senza cadèna
nassuu ona nòtt de luna pièna
coi cavèi biond e i oeugg celèst
gh’hoo de ‘nda a cà, sù dai, fà prèst….