Stampa

di: N.Svampa - G.Brassens

 

El bamborin de la miee d'on ghisa l'è minga on spettacol
talment bellissim de vedè
e ch'el pò fà vosà al miracol.
Gh'era in gir però on veggett
on omettin de la Bovisa
ch'el gh'eva in ment de vedè 'l bus
del bamborin de la miee d'on ghisa.

"Ormai son vegg, tiri i aghett
e in tanti ann che son staa in gamba
n'hoo vist assee de bamboritt
de tutt’i razz, in pee e de sponda:
de la miee d'on beccamòrt,
d'on sindich, d'on polee in divisa
però hoo mai vist pòrco d'on can
el bamborin de la miee d'on ghisa.

El mè papà l'ha vist quell de la miee
de vun de la questura,
el mè fradell quell de la dòna
d'on pistòla de carriera,
el mè fioeu quell de l'amante
del ministro di giustizia
e mi hoo mai vist, porco d'on can
el bamborin de la miee d'on ghisa.

Inscì 'l piangeva sto pover vegg
in mezz a tucc in su la strada.
Ma on bell moment d'in fra i amis
la miee d'on ghisa la ghe ciama:
"daghen on taj, fà nò el fiolin"
e la sbottòna la camisa
per fagh vedè el sò bamborin
el bamborin de la miee d'on ghisa.

"Ohej, chì ghe semm - el vosa el vegg -
incoeu l'è 'l dì de la riscòssa!
L'è pròppi vera el vedi adèss
fa nient s'el vedi anca de pressa..."
El salta sù, le ciappa in brasc
el cerca de streppagh la sòcca;
el sbatt, el ruga, el par on matt
el sa pù in de che part el tocca.

Ma prima anmò de vedè 'l bus
quand la pareva giamò fada
inveci de toccà la pell
l'era tròpp vegg ghe l'ha lassada;
la mòrt, la mòrt se l'è ciappaa
taccaa 'me on gatt a la camisa
e insci l'è andaa senza vedell
el bamborin de la miee d'on ghisa!