Lassa pur ch'el mond el disa - Cabaret Milano Duemila

di: Alfredo Bracchi - Giovanni D'Anzi

 

 

Se sà che a parlà de Milan se fà minga fadiga,
con tanti argoment per i man el discors el scarliga:
ciappèmm per esempi i semafor che gran meraviglia!
Te par de vedè tanta gent a ballà la “quadriglia”.

Lassa pur ch'el mond el disa,
ma Milan l’è on gran Milan.
Pòrta Cicca, Bagg e la Bovisa
che d’intorni pròppi san.
E la nèbbia, che bellèzza la va giò per i polmon.
E quand fiòcca, che giòia gh'è 'l Parco e i Bastion
per scià senza andà al Mottaron.
Fa nagòtt se poeu pioeuv e andèmm giò a tomborlon
in la poccia a poccià el panatton.

Se sa che a Milan gh’è in progètt, la Metropolitana,
però ògni dì 'sto progètt semper pù ‘l se allontana
in cambi numm sèmm che in pittura Milan la fa scoeula
gh’è intorna domà cartellon de formagg Gorgonzoeula.

Lassa pur ch’el mond el disa,
ma Milan l’è on gran Milan.
El Carrobbi, la via Brisa,
el Carrètt di ciappa can.
Se te vett sul Monte Merlo par de vèss a San Venzant.
Còssa l’è Monte Carlo, Sanremo e Menton in confront de l’Olòna e ’l Tombon?
A Paris gh’è la Senna e’l Danubbi l’è bloeu,
ma a Milan gh’è ‘l Navili e poeu pù.

musica

Lassa pur ch’el mond el disa,
ma Milan l’è on gran Milan.
On bèll piatt de Busècca con dent i borlòtt
ò on òss bus cont intorna el risòtt
e un litròtt de quèll bon cont on bèll minestron
fan content ògni milaneson.

Cerca

Facebook!