Stampa

di: A.Barzaghi - G.Seropian

 

Mi gh’hoo on merlo che ziffola semper
el ziffola mej de mì
lì in de la gabbietta verda e nera
el ziffola tutt’ el dì.
Sì, va ben però òrca galera
el ziffola anca de nòtt, sì ma de nòtt,
ma de nòtt el me stracca.
Adèss mocchela lì, òrca matta, sara sù i oeugg
fà citto e sògna, sògna on bell boschett
faa de insalatta.

Mi gh’hoo on merlo che ziffola mej de mì
lì in de la gabbietta el se fà sentì… ma
el me cerca anca i biscòtt
sì però i e voeur domà al latt
se de nò el me guarda fiss, el piang ‘me on matt.

On bell dì mì gh’hoo dervii la gabbia
ma el fa finta de nagòtt, certo ch’ el fa
el me fà perd la pazienza.
Se on dì però el me scappa el me dariss on dispiasè
saria voeuja la mia cà senza de lù
che ‘l sta semper insèma a mì.

Mì gh’hoo on merlo che ziffola tutt’ el dì
lì in de la gabbietta el se fa sentì… ma
el ziffola ‘dree i donnett
varda tì ‘st’ usell che brutt malnatt
ma l’è mè e ghe voeuri pròppi on ben de matt
ma l’è mè e ghe voeuri on ben de matt.