di: R.Gramegna - G.Seropian

Ballom insèma
fèmm finta ancamò de vèss
innamoraa istèss d’ona vòlta.

Và che fortuna
ritrovatt dòpo tant temp
in ‘sto local foeura de la città.

El tò sorris l’è istèss de allora
ma che stòria mì e tì
che bèi moment passaa
sognand insèma
che bèll regal che te seret.
Sù, sù allora per ona vòlta anmò
ballom insèma al nòster sògn.

Te see sposada
ò te see separada?
Ma dimmel nò, fòrsi lù t’ha lassada?

Me par che son stada
minga tant fortunada
e inveci a tì, a tì come l’è andada?

Te vorevet compramm la luna
che peccaa l’è andada inscì.
Ballom insèma dai gh’è l’atmosfera
strenget a mì e sta serena
per quèsta sera nò, mì te lassi pù
per quèsta sera vinciom numm.