di: R.Gramegna - G.Seropian

Mì sont on poo trist
incoeu la va nò
giornada smòrta, senza poesia
la va in cantina la fantasia.
Canti e sòni la mia ghitara
canti, ven giò la sera
canti, la mia malinconia se fa speranza
canti, l’anima se consola
sòni, la ment la vola
musica te me portaree lontan, andèmm lontan.

Quand mì torni a cà
finii de lavorà
in mèzz al traffich ferma de on’ora
senza allegria, me senti a tèrra.
Canti in auto, mì canti sola
canti, la ment la vola
canti e se on quaidun me varda e rid che impòrta.
Canti, l’anima se consola
Milàn el se colora
musica te me portaree lontan, andèmm lontan.

Canti e l’anima se consola
canti, la ment la vola
canti, la mia malinconia se fa speranza
canti e sòni la mia ghitara
canti e son serèna
musica te me portaree lontan, andèmm lontan
andèmm, scappom insèmma, dài!