di: R.Gramegna - G.Seropian

Amor, amor di mè nòtt
te dòrmet de part de mì
fòrsi te see tra i stèll del ciel
indoe anca on bell sògn se fa realtà.

Mì di vòlt te vardi quand te dòrmet
gh’è tanta dolcèzza sòtta ai rugh
tutt el bèll che te gh’eet in del profond del tò coeur
ven foeura adèss che ripòset bèll quiètt
bandonaa ‘stèss d’on fioeu ‘pèna nassuu.

Amor, amor di mè dì
te pòrti de nòtt con mì
insèma, tra i nivol bianch del ciel
inscì lontan del frecass de Milan.

Mì di vòlt te vardi e par nò vera
che adèss e semper te see ti el mè sògn
che diventa realtà quand me svegli e te see chì,
torna la lus e la vita per mì
quand tì te me vardet con tutt el tò amor.