Stampa

di: Nino Rossi

 

Se sent parlà de mar, se sent parlà de sô
de fiumm, de bèi montagn, de tanto cielò blu.
Ògnun, l’è natural el parla ben del sò paes,
ma se innamoren poeu di milanes.

Sarà che sèmm simpatich, sarà che sèmm genuin,
fòrsi sarà perché sèmm meneghin,
l’è merit de la nèbbia, l’acqua, la nev, el gel
ò l’è perché gh’è semper gris el ciel.
El fatto l’è che gh’è tanto calor dent’in de numm
e fariom minga ‘l cambi con nissun.
Sarà che sèmm simpatich, che sèmm semper content
ò fòrsi l’è perché sèmm brava gent.

Ormai la nòstra razza l’è mes’ciada sù
el nòst dialètt strambaa quasi ‘l se capiss pù.
Milan l’è calamita per la gent d’ògni paes
che vègnen chì per viv coi milanes.

Sarà che sèmm simpatich, sarà che sèmm genuin,
fòrsi sarà perché sèmm meneghin,
l’è merit de la nèbbia, l’acqua, la nev, el gel
ò l’è perché gh’è semper gris el ciel.
El fatto l’è che gh’è tanto calor dent’in de numm
e fariom minga ‘l cambi con nissun.
Sarà che sèmm simpatich, che sèmm semper content
ò fòrsi l’è perché sèmm brava gent.

musica

El fattò l’è che gh’è tanto calor dent’in de numm
e fariom minga ‘l cambi con nissun.
Sarà che sèmm simpatich, che milanes numm sèmm
e mai numm se dismilanesarèmm.