Stampa

di: Alberto Bega

 

M’è vegnuu in sògn la Madonina
la m’ha ciappaa per ona man,
la m’ha portaa ona mattina
a volà sora ‘l mè Milan,
la me dis: “Guarda 'me l’è bèlla
con la scighera ‘sta città,
la rèsta minga semper quèlla
perchè ògni dì l’è dree a cambià”.

Milan d’incoeu te seet intasada
che se rièss nanca a respirà
gh’è pien de auto in ògni strada
che se pò nanca traversà
gh’hinn pù i banchètt ai giardinètt
sul tramm ghe dann pù ‘l pòst ai vègg
cara Milan te see cambiada
e ògni dì l’è semper pegg.

Oh mia città te see sbiavida
te vedi come in negativ,
compagn d’ona fotografia
ch’el ner l’ha lassa ‘l pòst al gris
tramm e metrò fonziònen mal
e tanti ròbb van minga ben
gh’hinn nanca i pòst a l’ospedal
però Milan te voeuri ben!

musica

Gh’hinn pù i banchètt ai giardinètt
su ‘l tramm ghe dann pù ‘l pòst ai vègg
cara Milan te see cambiada
ma mì te voeuri semper ben!!!