Stampa

di: Nino Rossi

 

Pussee che on mont a l’è on monton de tèrra
che la natura in verd la quattarà
inscì sarann sconduu i orror de guèrra
e fra on quaj ann nissun ricordarà
che quèll che ciamom la “montagna” ormai
l’è fada de maceri e cattanai
de nòster cattanai de nòst casètt
che anca a tocchèi sortisen el sò effètt.

‘Me te see bèlla in controlus stasera
te guardi, te me paret vera
te see costada lacrim e sospir tomba di nòster cà:
Montagna de San Sir.

Per mètt insèma tutta ‘sta montagna
gh’èmm ‘vuu bisògn d’ingles e american
lor gh’hann miss tanti bomb e la vergògna
numm sporch de sangh i tòcch del nòst Milan.
La guèrra l’è finida, tucc amis
dimentichèmm tusscòss, vivèmm in pas,
ma se combinazion ghe passi arent
la mia casètta la me torna in ment.

‘Me te see bèlla in controlus stasera
te guardi, te me paret vera
te see costada lacrim e sospir tomba di nòster cà:
Montagna de San Sir.

musica

te see costada lacrim e sospir tomba di nòster cà:
Montagna de San Sir.