Stampa

di: G.Mangano

 

T’hee mai vist on veggetin in biciclètta
oppur a pee che l’è in gir a cercà i mocc;
ò al mercaa ch' el ruga dent a ona cassètta
per troà ancamò on quaicòss tra ‘l marsc, el tocch…
Hinn ròbb che piasen nò e fann pensà
a come sarèmm numm a quèll’età?

Milan te voeuri ben,
ma damm a trà on moment:
l’è brutt che i nòster vègg gh’hann de soffrì:
la dura realtà che la me fa tremà
l’è certament sgradida anca de tì.
Milan te voeuri ben,
dai, pensa ai nòster vègg
perché tì te see vèggia come lor
per tì vèss vèggia l’è come on blason
per lor a l’è disperazion!

T’hee mai vist ona veggètta a fà la fila
per ciappà chi quatter ghèj de la pension;
e poeu leg in sul giornal che l’hann scippada
e sbattuda in su l’asfalt come on fregon…
Hinn ròbb che piasen nò e fann pensà
indoe la va a finì l’umanità?

Milan te voeuri ben,
ma damm a trà on moment:
l’è brutt che i nòster vègg gh’hann de soffrì:
la dura realtà che la me fa tremà
l’è certament sgradida anca de tì.
Milan te voeuri ben,
dai, pensa ai nòster vègg
perché tì te see vèggia come lor
per tì vèss vèggia l’è come on blason
per lor a l’è disperazion!

musica

Milan te voeuri ben,
dai, pensa ai nòster vègg
perché tì te see vèggia come lor
per tì vèss vèggia l’è come on blason
per lor a l’è disperazion!
Numm che sèmm milanes col coeur in man
fèmm nò succed 'sti ròbb pròppi a Milan.