Stampa

di: Giovanni D'Anzi
Edizioni: Curci

 

 

A disen la canzon la nas a Napoli
e certament gh'hann minga tutt'i tòrt
Sorriento Margellina tutt'i pòpoli
i avrann cantaa almen on milion de vòlt.
Mì speri che se offenderà nissun
se parlom on ciccin anca de numm.

Oh mia bèlla Madonina
che te brillet de lontan
tutta d’òra e piscinina
tì te dòminet Milan.
Sòtta tì se viv la vita
se sta mai coi man in man.
Canten tucc: «Lontan de Napoli se moeur»,
ma poeu vègnen chì a Milan.

Adèss gh'è la canzon de Roma magica,
de Nina er Cupolone el Rugantin
Se sbatten in del Tever, ròbba tragica!
Esagerèmm, me par on ciccinin.
Sperèmm che vègna minga la mania
de mèttes a cantà: "Malano mia!".

Oh mia bèlla Madonina
che te brillet de lontan
tutta d'òra e piscinina
ti te dòminet Milan.
Sì, vegnii senza paura
numm ve slongarèmm la man
tutt el mond a l'è paes, a sèmm d'accòrd,
ma Milan, l'è on gran Milan.

musica

Oh mia bèlla Madonina
che te brillet de lontan
tutta d’òra e piscinina
tì te dòminet Milan.
Sòtta tì se viv la vita
se stà mai coi man in man.
Canten tucc: «Lontan de Napoli se moeur»,
ma poeu vègnen chì a Milan.