di: Nino Rossi

Con i tò oeugg faa a mandorla
se te me guardet me svirgoli
me gira el coo ‘me ona tròttola
cammini come on “robot”.
E allora?

Dondòni come ona pendola
me par de vess su ona gondola
se te me sposet mia bambola
te pòrti in gesa in landò.
E allora?
Felicità, felicità, felicità, la la la la, felicità.

Col “tecnicòlor” in testa
i mè penser hinn in festa
me senti incoeu ona campana
che come matta la sòna.

Amor, do stanz e trii pargoli
bel romanzett de alter sècol
cambià la musica ò svicolà
gh’è minga el temp per sonà.
E allora?

Te gh’hee nò immòbil ne titol
‘na bella pigna de dòllari
Se te gh’hee nò l’òr con on panfilo
te gh’hee nagòtt de sperà.
E allora?
Felicità, felicità, felicità, la la la la, felicità.

Col “tecnicòlor” in testa
i mè penser hinn in festa
me senti incoeu ona campana
che come matta la sòna.
La sòna
E allora?
Coppett!