di: Aurelio Barzaghi

Duu pòst in pee in galleria
duu coeur che batt fra el ciar el scur
ricòrd che vann e passen via
stess d’on gabbian che va sul mar.

E dò parpai con l’ala bianca
cerchen on fior per fà l’amor
ona stagion che dura on’ora
‘me on òmm de nev vestii de sera.

la la la….

Fermes a bev gh’è ona fontana
acqua che sa de gioventù
fermes a bev, sent ‘me l’è bòna
fermes a bev perché doman ne vegn giò pù.

Va che luna gh’è stasera
vegn visin che fa on poo frecc
l’è on peccaa diventà vegg.

Duu pòst in pee in galleria
duu coeur che batt fra el ciar el scur
ona stagion che dura on’ora
‘me on òmm de nev vestii de sera.