di: Aurelio Barzaghi

Ier sera hoo vist on down
con la camisa bloeu, ier sera in piazza
e l’hoo guardaa in di oeugg
duu oeugg inscì profond
e hoo vist el mond, hoo vist el mond
el m’ha ciappaa la man
me l’ha stringiuda on poo
e hoo sentii el calor
e hoo sentii el calor el calor del sô.

Ciao, mì sont on down, son nò me tì
ciao, mì sont on down, sta chì con mì
che quand se fa scur
mi gh’hoo paura, paura, paura
m’hann dii che la terra la gira, la gira, la gira.

Sì, mì sont on down, son come on fioeu
se voeuri giugà gh’hoo i mè perché
l’è che mì voo in ciel prima de tì
down, down, down me ciami inscì
l’è che mi voo in ciel prima de tì
dai, dai, dai famm divertì.

Ier sera hoo vist on down
con la camisa bloeu, ier sera in piazza
el m’ha guardaa in di oeugg

e poeu l’è restaa lì a cuntà i stell
insèma a mì, settaa su on mezz basell
finchè se veden pù
e me sont indormentaa con lù.