Doard... fa nò el bauscia - Cabaret Milano Duemila

di: A.Bracchi - G.D'Anzi

 

 

Mì te spetti semper ògni sera,
ma in d’el coeur te senti tutti i or:
anca mì son còtta, come ona marmòtta
tutta tremante d’amor.

Se mì te stringi adasi in di mè brasc
i gamb diventen mòll come duu strasc
oh car el mè Doard, che limonada…
de capp a pè me senti già sudada.

Se l'è sta ròba che me senti adòss?
E sì che a guardatt ben te see tutt òss.
Saroo tutt'òss, ma se te doo on basin
te sbatti in terra come on salamin.

Ven chì ven chi stellascia
sont còtt come on sorian.
Doard fa nò el bauscia e ten a pòst i man.

Famm nò diventà matt facciassa bella
se nò te pòrti minga in carozzella.
Come se fa a resist a sto volpon
Doard te seet el rè di lumagon.

Quand la sera sari sù la bottega
corri chì a spettatt tutt infiammaa.
Ona toa carezza piena de dolcezza
la me fa tutta tremà.

Stasera se se troevom ai boschett
te pòrti al Monte Merlo a fà on balett.
Ma guarda che penser de bollettari
podevi innamoramm d’on milionari?

Allora damm a trà ven a cà mia
stasera hinn foeura tucc compres la zia.
Te penset minga cara el mè car fioeu
al ris’c de mett el car davanti al boeu.

Ven chi tosetta in gamba e lasset carezzà.
Doard fa minga el bamba
con mì ghe nient de fà.

Stasera mi soo nò come ciappatt
foo pròppi di figur de ciccolatt.
Oh cara el mè Doard te vegni a press
son còtta come on tòcch de manz a less.

Semm còtt come duu tòcch de manz a less.

Cerca

Facebook!