Stampa

di: A.Losi - F.Anselmo

 

Sbusa scur negher de la nòtt
ona sirèna che la vosa la premura
e la pòrta i òmen de questura
in sul lavorà a incontrà la sòrt:
s’hinn ritrovaa oeugg in di oeugg
con dò pistòl pontaa in di man
duu fioeu ch’hinn cressuu insèma
amis di temp lontan.

Tutta la vita in d’on moment
la gh’è passada in de la ment
i amis, la scòla, i gioeugh per strada
i serad in del lattee e poeu quell giurament
semper amis saremm mì e tì
tutta la vita, tutt’i dì.

On attim soll, on’eternità
i oeugg se pissen, parlen tra de lor
nò, spari nò, però lassom scappà
faroo de tutt per riparà i mè error;
sparegh adree, vosa la gent,
te vedet nò che te l’ha fada?
Ma mì hoo pensaa on moment,
ma sì l’è mèi che ‘l vaga!

musica

Tutta la vita in d’on moment
la m’è tornada in de la ment:
stipendi, carriera, i promozion,
i medai ch’hoo guadagnaa
e poeu ‘l licenziament:
tutt hoo perduu, ma son content
hoo rispettaa el m’è giurament.