di: Mazzola - Comolli

De tutt e de nient a l’è fada la vita
coi ciar e coi scur come el gris d’ona nivola
de tutt e de nient hinn faa i sògn de la pòvera gent
sconduu denter in d’on fagottell
faa de freguj d’amor, ma

se mes’cen fra lor nel concert de la vita
speranz e vision per la smania de vivela
e in ògni moment ghe pò vess on motiv per trovà
el gran segret de la felicità.

On attim d’amor, ona paròla sincera
on poo de bontà paren quasi ona favola
in del coeur de la gent gh’è sconduu i pussee bei sentiment
soffegaa de torment e pagur d’on viv de disperà, ma

de tutt e de nient se vestiss la speranza,
ma senza l’amor l’è la vita ona gabola
de tutt e de nient de in d’on attim sincer de bontà
basta on freguj de bòna volontà
fòrsi doman on quaicòss el cambiaraa

de tutt e de nient, ma ghe voeur fantasia
de tutt e de nient come on boff de poesia.