di: G.Pizzamiglio - F.Olivari

Quartier di pussee vegg del nòst Milan
on grand masnaa de roeud, destin in man
pront el motor a cantà insèma a tì
ona canzon d’ona vita robada inscì.
La strada la confond el voeui col nient
e l’aria che se sperla l’è on dolz lament.

E te cantavet “va, vola in del bloeu”
duu giacchettin de pell incontra al sô,
ma l’impossibil strana corsa d’amor
se l’era amor
nò, la po’ nò andà d’accòrd cont on motor.
E te cantavet “va, vola in del bloeu”
duu caschi ross al vent e nient de pù.

On colp, ona slittada, on cald radios
on giacchettin per terra, ma senza vos
TIR che giren a l’ari piangen arent
a on giacchettin strisciaa con so torment:
e voeur volà in del bloeu la toa canzon
trent’ann in duu a pagà on emozion.

E te cantavet “va, vola in del bloeu”
duu giacchettin de pell incontra al sô,
ma l’impossibil strana corsa d’amor
se l’era amor
nò, la po’ nò andà d’accòrd cont on motor.
E te cantavet “va, vola in del bloeu”
duu caschi ross al vent e nient de pù.

musica

Quartier coi so frecass, ona sirèna
e poeu in sul giornal do righ appèna.