Stampa

di: Aurelio Barzaghi

 

 

Citto, citto, citto, citto,
citto che fra pòcch l’è nòtt
citto, citto guardi i dònn
che batt, che batt.


Citto, citto, citto, citto
e se voeuna la me va
pòdi digh per ona vòlta
se la ghe sta:
pòdi digh per ona vòlta
se la ghe sta a andà via,
a guardà el sô che nass
in mia compagnia
se la mia compagnia ghe pias.

Pòdi dagh ona margherita
ona margherita bianca
per fagh vedè la vita
la vita che ghe manca
sarada in d’ona stanza al scur.

Guarda, guarda el nass el sô
la lus la te ris’ciara on poo
ting de ross i tò cavèi
e i man pien de anei.


Me dispias, ma resti in strada
l’è chì che son nassuda
e pròppi chì voeuri mourì,
la me va ben inscì.

Pòdi dagh per ona sera
magari ona carèzza
de quei che se ricòrda
quand riva la tristèzza
sarada in d’ona stanza al scur
sarada in d’ona stanza al scur
sarada in d’ona stanza al scur.