di: Luigi Carcano - Claudio Merli
Edizioni: Brocca

Cont in spalla i desideri
e sòtt sèlla i mè speranz
per cercà la mia chimera
sont andaa de là del mar.
Forestee tra gent forèsta
col coo bàss a dì de sì
e svanida la speranza
m’è restaa on pugn de mosch.

E me ciappava tutta ona smania
me se smollaven de dent’ i ricòrd
e rivedevi la vèggia strada
la pianta che fioriva;
e quand passavi in biciclètta
me fermavi incantaa a guardà
la cort con la rizzada
la gent che la passava
pròppi lì su la strada
che la pòrta a Milan.

A la fin de l’avventura
son tornaa in sui mè pass
cont in man ona valisa
pièna rasa de illusion;
la chimera che cercavi
tra on sorpres tra i sorpres
l’hoo trovada su la scala
d’ona cà del mè paes.

E me ciappava tutta ona smania
me se smollaven de dent’ i ricòrd
e rivedevi la vèggia strada
la pianta che fioriva;
e quand passavi in biciclètta
me fermavi incantaa a guardà
la cort con la rizzada
la gent che la passava
pròppi lì su la strada
che la pòrta a Milan.

musica

La chimera che cercavi
tra on sorpres tra i sorpres
l’hoo trovada su la scala
d’ona cà del mè paes.