di: Aurelio Barzaghi

Caro Bambin Gesù
l’è on poo de temp che te scrivi pù
la letterina de Natal coi ballon che la pòrten sù
caro Bambin Gesù g’hoo on poo de nev in di cavei
ahi, ahi, ahi, ahi, ahi, ahi, ahi.
ahi, ahi, ahi, ahi, ahi, ahi, ahi.

Caro Bambin Gesù
ricomincèmm de sana pianta
mì te doo indree la cà e i danee
e la macchina noeuva fiammanta
lassom appèna la mia ghitara
che la me fa de compagnia
la ferma i primaver che volen via,
la ferma i primaver che volen via.

Tì ferma quei che ‘scond i stèll
che gh’hann voeuja de brillà
ferma quei che gh’ann la libertà
e de lassagh ai nòster fioeu
ona bèlla eredità
colpa toa, colpa mia
e ona ròba de trà via.

Caro Bambin Gesù
ricomincèmm de sana pianta
mì te do indree la cà e i danee
e la macchina noeuva fiammanta
in mèzz a on praa gh’è on òmm de paja
cont on coeur sòtta la maja
el sorrid ‘stess d’on pattan
quand la ghitara la fa plin plan.
Plan, plan.

musica

Lassom appena la mia ghitara
lassom on poo de fantasia
el mè l’è on mond che viv de poesia,
lassom appèna la mia ghitarra
lassom on poo de fantasia
el mè l’è on mond che viv de poesia.