di: Nino Rossi

On pugn de fantasia
e on pizzigh de magia a l’oriental,
on’ongia d’ona stria,
mes’ciada a la “sangria” original.
Miracol d’alchimia,
spariss malinconia e tutt’i mal
e quèsta l’è la fòrmola special
del Carneval, del Carneval.

Carneval,
folada de allegria che te fa cantà.
Carneval,
on vent che ‘l pòrta via l’infelicità.
Carneval,
‘na raffica improvvisa de gaièzza
che sgombra el coeur de tutta la tristèzza.
Carneval, Carneval.

Carnevalomania,
la noeuva malattia general
tempèsta de follia,
tornado de pazzia, Carneval.
La giusta terapia,
per la malinconia, Carneval.
La controindicazion per tutt’i mal
l’è el Carneval, l’è el Carneval.