Cara mamma - Cabaret Milano Duemila

di: Marco Candiani - Claudio Merli
Edizioni: Curci

 

 

Cara mamma te canti stasera
i paròll che t’hoo fòrsi mai dii
l’era on pèzz che vourevi inventala
'na canzon fada appòsta per tì.
Hoo cantaa per Milan tanti stòri
de tosànn, de Navili e barbon
me mancava canzon per la mamma
adèss la canti, ti ascolta in di stèll.

Paròll che t’hoo mai dii ti ie disi adèss
e ciappa anca ‘l papà, ciappel per man
settada in d’on canton del paradis
dai, ‘scolta la canzon che hoo faa per tì.

Se fòrsi t’hoo faa piang de dispiasee
te mandi cent basitt per ciamatt perdon
e te sughi ona lagrima in faccia
cont i alter basitt e carèzz
poeu te strengi compagn d’ona vòlta
quand fasevi tròpp tardi in ‘la nòtt.

Chi sa mai che on bèll dì, su per ari
mì e tì col papà podarèmm
andà a spàss a brascètt con la luna
e sognà su in d’on ciel pien de stèll.

musica

Voraria vegnitt an’mò in scòssa
per ‘scoltà di bèi stòri e dormì
poeu insognàss de la fata turchina
che per mì l’era bèlla ‘me tì.

Paròll che t’hoo mai dii ti ie disi adèss
per fatt capì el ben che t’hoo vorsuu
se poeu di vòlt te me sentisset nò
me tacchi a on ràgg de luna e vègni su.

Dai, cara mamma, su, brontola on poo
e dimm che son patii perché fumi tròpp
voraria sentì che te voset
e barbòttet perché mì sto in gir
e perché foo tròpp tardi la sera,
ma te taset, te diset puu nient.

Chi sa mai che on bèll dì, su per ari
mì e tì col papà podarèmm
settass giò su ona nivola ròsa
e sognà su in d’on ciel pien de stèll
e sognà su in del ciel de Milan.

 

Cerca

Facebook!