Stampa

di: Luigi Carcano - Claudio Merli
Edizioni: Brocca

 

 

In d’on giardin d’incant,
cont el soffitt ch’el tocca
el sô, i stèll, la luna,
d’amor illuminaa.
Dal cepp fiorii de ròs,
tra i tanti el pussee bèll...
dal cald de sòtt la tèppa
la toa prima cuna,
te see sbilzada on dì
dedent d’on fagottèll.

E chi t’ha concepii,
con tant calor uman,
in quèll giardin d’incant,
l’ha t’haa portaa per man
sù l’òrlo del confin
denanz de l’uss saraa
che se spalanca incoeu
al tò novèll destin.

La man che t’ha cattaa
tì ròsa tanta bèlla,
bagnada de rosada,
sicura l’è la man
del giovin tò compagn.
Te guidarà lontan
a l’ombra de la strada
che passa su la vita
de tutt el tò doman
tra tanti fior e spin.

E chi t’ha concepii,
con tant calor uman,
in quèll giardin d’incant,
l’ha t’haa portaa per man
sù l’òrlo del confin
denanz de l’uss saraa
che se spalanca incoeu
al tò novèll destin.

musica

su l’òrlo del confin
denanz de l’uss saraa
che se spalanca incoeu
al tò novèll destin.