di: Vittorio Pinotti

Pioeuv e tira vent chì in sù la strada
tì te seet in lètt e te fee finta de dormì
mì son chì a cantat la serenada
me sentarà anca e’l ganivèll che gh’è con tì
quèsta l’è ona allegra canzonètta
che me vegnuu in ment de improvvisà,
ma se te par che l’è on poo balossètta
cara el me amor, soo pròppi nò se fa.

Canzon sincera
voo là in la nòtt anca se pioeuv e l’è on poo tard
mì che stasera hoo faa ona ciocca in sul sò amor fals e bosard;
lee l’è in lètt brasciada sù che la dòrma insèma a lù,
ma la se dissedaraa
voeuri digh fra l’acqua e ‘l vent che saroo pròppi content
se a l’infèrno l’andarà.
E tì gandolla coi sò paròll fass nò incantà, damm a trà a mì
fa minga el ciolla se te voeuret nò mangia i cornitt des vòlt al dì
el mond l’è grand, de bèi tosann l’è pien
refuda el sò bellee, gòd la vita e la libertà.

Nò, l’è pròppi nò la gelosia che la me fa stà chì a cantà per tutti e duu
colpa del vin bon de l’osteria e mì stasera ghe n’hoo giò on biccier de pù
la mia canzonètta traditora
la voeur fagh savè al tò giovinòtt
che tì te seet ‘na fèmmina impostora
e i tò paròll varen on bèll nagòtt.

Canzon sincera
voo là in la nòtt anca se pioeuv e l’è on poo tard
mì che stasera hoo faa ona ciocca in sul sò amor fals e bosard;

musica

E tì gandolla coi sò paròll fass nò incantà, damm a trà a mì
fa minga el ciolla se te voeuret nò mangia i cornitt des vòlt al dì
el mond l’è grand, de bèi tosann l’è pien
refuda el sò bellee, gòd la vita e la libertà.
…
Canzon sincera và.